Nautaskrá

Dætur Öllara eru mjög mjólkurlagnar kýr en efnahlutföll eru undir meðallagi. Þetta eru meðalstórar og í góðu meðallagi háfættar kýr, boldjúpar með meðalútlögur og sterka yfirlínu. Malirnar eru fremur grannar, beinar og þaklaga. Fótstaða er góð, bein og sterkleg. Júgurgerðin er úrvalsgóð, mjög mikil festa, áberandi júgurband og júgrin eru mjög vel borin. Spenar eru vel gerðir, hæfilega langir, vel settir en grannir. Mjaltir og skap þessara kúa eru í meðallagi og koma seinar mjaltir aðeins fyrir. Allmikill meirihluti afkvæma Öllara er tvílitur þar sem mest ber á huppóttum og skjöldóttum. Af grunnlitum koma rauðir litir langoftast fyrir þó allir litir nema gráir finnist. Ekki er þekkt að Öllari gefi hyrnd afkvæmi.