Nautaskrá

Um helmingur afkvæma Kambs er einlitur þar sem rauður og bröndóttur eru algengastir. Af tvílitum ber mest á huppóttum og leistóttum. Afurðasemi dætra Kambs er góð hvað varðar mjólkurmagn og fituhlutfall en próteinhlutfall er um meðallag. Þetta eru fremur fínlegar kýr með boldýpt og útlögur í tæpu meðallagi en yfirlína er yfirleitt bein og sterk. Malir eru ögn grannar og fremur brattar. Fremur háfættar kýr. Júgurgerð er mjög góð, júgrin vel borin og sérstaklega er júgurband sterkt hjá þessum hópi. Spenagerð er í meðallagi en spenar vel staðsettir. Mjaltir eru afbragðsgóðar og eins eru dætur Kambs almennt mjög skapgóðar kýr. Undan Kambi geta komið hyrndir gripir.