Nautaskrá

Frétt

Upplýsingar um fyrstu naut úr 2013 árgangi

Nú eru komnar upplýsingar um fyrstu óreyndu nautin sem koma til dreifingar úr 2013 árgangnum hér á vefinn hjá okkur. Um er að ræða 11 naut sem koma til dreifingar á næstu dögum í og á Vestfjörðum, Húnavatnssýslum, Eyjafirði, Suður-Þingeyjarsýslu og Austur-Skaftafellsýslu. Þau koma svo til dreifingar á öðrum svæðum jafnharðan og dreifingu óreyndra nauta fram vindur þar.

Nautin sem hér um ræðir eru Klaki 13003 frá Dæli í Fnjóskadal, Korgur 13008 frá Ytri-Tungu 1A á Tjörnesi, Kakali 13009 frá Engihlíð í Vopnafirði, Jörfi 13011 frá Jörfa í Borgarbyggð, Víkingur 13017 frá Syðri-Knarrartungu á Snæfellsnesi, Flóki 13020 frá Stóra-Ármóti í Flóa, Hálfmáni 13022 frá Brjánsstöðum í Grímsnesi, Drómi 13024 frá Flugumýrarhvammi í Skagafirði, Bárður 13027 frá Villingadal í Eyjafirði, Gimsteinn 13028 frá Stóru-Tjörnum í Ljósavatnsskarði og Fáfnir 13031 frá Eystra-Súlunesi í Melasveit.

Að venju má einnig finna pdf-skjal með sömu upplýsingum hér á vefnum en þau geta verið handhæg til útprentunar. Ungnautaspjöld með upplýsingum um þessi naut fara í almenna dreifingu til bænda innan örfárra daga.  Rétt er að geta þess að á spjöldunum er að finna upplýsingar um Tangó 13001 sem því miður mun ekki koma til dreifingar vegna ónógra sæðisgæða. Það lá ekki fyrir þegar spjöldin fóru í prentun.